New Muslims APP

इस्लामिक आचरण-1

इस्लाममा मित्रता-1

इस्लाममा मित्रता-1

इस्लामिक आचरण-1

१) हजरत अबू हुरैरह (रजि.) को भनाई छ कि अल्लाहको रसूल (सल्लल्लाहु अलैहि वसल्लम) ले भन्नुभयो, मनुष्यहरु एक आपसमा आफ्नो साथीको हेलमेलको कारण चाहे खराब साथी होस् या असल उसको संगतको कारण त्यही बानी र तरिका अपनाउने कोशिस गर्दछ । त्यसैले साथी बनाउनु भन्दा अघि कोसँग मित्रता गाँसिदैछ भन्ने कुरा राम्ररी हेर्नुपर्दछ ।  (अहमद)

२) हजरत मिक्दाम बिन मअदीकर (रजियल्लाहु अन्हु) को भनाई छ, अल्लाहको रसूल (सल्लल्लाहु अलैहि वसल्लम) ले भन्नुभयो, जब कोहि आफ्नो मुस्लिम दाजुभाईलाई प्रिय ठान्छ भने उसले बताओस कि ऊ (मुस्लिम दाजुभाई) सँग प्रेम गर्दछ  (अबू दाऊद)

३) हजरत अबू सईद (रजियल्लाहु अन्हु) को भनाई छ, अल्लाहका रसूल (सल्लल्लाहु अलैहि वसल्लम) ले भन्नुभयो, “(आफ्नो ईमानको स्तरलाई मजबुत र सुदृढ  पार्नको लागि) केवल एउटा मुअमिनसँग मित्रता गाँस र तिम्रो खाना केवल पवित्र व्यक्तिहरूले मात्र खाऊन । ( तिर्मिजी)

४) हजरत उमर (रजियल्लाहु अन्हु) को भनाई छ, अल्लाहका रसूल (सल्लल्लाहु अलैहि वसल्लम) ले भन्नुभयो, तिम्रो प्रेम पागलपनको हदसम्म नपुगोस् र तिम्रो दुश्मनी दु:ख दिने हदसम्म नपुगोस् 

उमरले भन्नुभयो मैले भनें, यो कसरी?” उहाँ (सल्लल्लाहु अलैहि वसल्लम) ले भन्नुभयो, “यदि तिमी प्रेम गर्छौ भने बालबालिका झैं व्यवहार न गर र यदि तिमी रिसाउँछौ भने ज्यान र धनमालको हानी हुने गरी नरिसाऊ । (अल-अदब अल-मुफरद)

५) हजरत उबैद किन्दी (रजियल्लाहु अन्हु) को भनाई छ, उहाँ भन्नु हुन्छ कि मैले अली (रजियल्लाहु अन्हु) लाई भन्दै गरेको सुनें, आफ्नो साथीसँग मध्यम बाटो अपनाऊ हुन सक्छ कि भोलि ऊ तिम्रो शत्रु हुन पुगोस् र आफ्नो शत्रुसँग मध्यम मार्ग अपनाऊ हुन सक्छ कि भोलि ऊ तिम्रो मित्र हुन पुगोस् । (हदीस)

६) हजरत अबू हुरैरह (रजियल्लाहु अन्हु ) को भनाई छ कि अल्लाहको रसूल (सल्लल्लाहु अलैहि वसल्लम) ले भन्नुभयो,  मुअमिन पूर्ण रूपले प्रेम हो । त्यस (मुअमिन) मा कुनै भलाई छैन जो न कसैसँग प्रेम गर्छ र न कसैको प्रेम पाउँदछ । (अहमद)

७) हजरत अबू कातादह (रज़ियल्लाहु अन्हु) को भनाई छ कि अल्लाहका रसूल (सल्लल्लाहु अलैहि वसल्लम) ले भन्नुभयो, जसले गरिबलाई अवसर प्रदान गर्छ (कर्जा लिएको व्यक्तिलाई कर्जा दिनको लागि समय दिन्छ) वा त्यसमाथि रहेको आफ्नो कर्जालाई माफ गर्छ भने अल्लाह महाप्रलयको दिनको कठिनाइबाट उसलाई मुक्त गरिदिने छन् (मुस्लिम)

८) हजरत जाबिर (रजियल्लाहु अन्हु) को भनाई छ, अल्लाहको रसूल (सल्लल्लाहु अलैहि वसल्लम) ले भन्नुभयो, अल्लाह त्यस व्यक्ति माथि दया गरुन् जो किनबेच गर्दा र उधारो दिएको पैसा माग्दा नम्रता अपनाउँछ  (बुखारी)

९) हजरत अस्मा बिन्त यजीद (रजियल्लाहु अन्हा) को भनाई छ कि अल्लाहका रसूल (सल्लल्लाहु अलैहि वसल्लम) ले भन्नुभयो, जो आफ्नो मुस्लिम भाईको मासुको सुरक्षा गर्दछ अर्थात उसको अनुपस्थितिमा उसको कुरा काटिनुबाट रोक्छ भने अल्लाहको लागि यो अनिवार्य हुन्छ कि उसलाई नर्कको आगोबाट मुक्ति प्रदान गर्न  (बैहकी)

१०) हजरत अबू हुरैरह (रजियल्लाहु अन्हु) को भनाई छ कि अल्लाहका रसूल (सल्लल्लाहु अलैहि वसल्लम) ले भन्नुभयो, सकारात्मक सोचाई उपासनाको एक भाग हो । (अहमद)

११) हजरत अबू हुरैरह (रजियल्लाहु अन्हु) को भनाई छ कि अल्लाहका रसूल (सल्लल्लाहु अलैहि वसल्लम) ले भन्नुभयो, मुस्लिम मुस्लिमको भाई हो । ऊ न त उसलाई बिना सहायताको छोड्दछ, न उसँग झूठो कुरा गर्दछ र न ऊ माथि अत्याचार गर्दछ । र, निस्सन्देह तिमीहरू मध्ये प्रत्येक व्यक्ति अर्कोको लागि ऐना हो । यदि उसमा कुनै कमि देख्छ भने त्यस व्यक्तिबाट त्यसको कमजोरीलाई हटाउँदछ । (तिर्मिजी)

१२) हजरत अब्दुल्लाह बिन जाफर (रजियल्लाहु अन्हु) को भनाई छ, वहाँ (रजियल्लाहु अन्हु) भन्नुभयो, जब हजरत  जाफर (रजियल्लाहु अन्हु) को शहदतको सूचना आयो नबी (सल्लल्लाहु अलैहि वसल्लम) ले भन्नुभयो

 जाफरको घरका सदस्यहरूको लागि खाना पकाऊ। उनीहरू माथि यस्तो समस्या आई परेकोछ यसैले उनीहरुको लागि खानाको व्यवस्था गरिदिनु । (तिर्मिजी)

१३) हजरत अब्दुल्लाह बिन उमर (रजियल्लाहु अन्हु) को भनाई छ, अल्लाहको रसूल  (सल्लल्लाहु अलैहि वसल्लम) जब कुनै व्यक्तिलाई बिदा गर्नुहुन्थ्यो उसको हात समातेर त्यतिबेरसम्म छाडनुहुन्नथियो जबसम्म त्यो व्यक्ति स्वयं उहाँ  (सल्लल्लाहु अलैहि वसल्लम) को हात छाड्दैन थियो  र भन्नुहुन्थ्यो म तिम्रो दीन र नासो अल्लाह समक्ष समर्पित गर्दछु  (तिर्मिजी)

स्रोतः अल्लाहको रसूल मुहम्मद सल्लल्लाहु अलैही वसल्लम कहाँ, कसरी, कहीले भन्ने किताबबाट अनुवादित हो ।

लेखकः- सरवर फारुख खाँन

अनुवादकः- मुहम्मद इब्राहीम खरेल

1 Star2 Stars3 Stars4 Stars5 Stars (No Ratings Yet)
Loading...

Leave a Reply