सूरतुल-इख्लास-११२
सूरतुल-इख्लास-११२ (मक्का, आयतहरु-४)
शुरु अत्यन्त करुणामय परम दयालु अल्लाहको नामबाट
(१) (हे नवी) भनि देऊ ! अल्लाह एक्लै छन् ।
(२) अल्लाहलाई केही चाहींदैन ।
(३) उनको कोही सन्तान छैन, न उनी कसैका सन्तान हुन् ।
(४) अनि उनको समकक्ष पनि छैन ।
संक्षेपमा व्याख्या
अल्लाहको रसूल (सल्लल्लाहु अलैही व सल्लम) सँग काफिरहरु र मुश्रिकहरु सोध्ने गर्थे “तपाईका रब (अल्लाह)’ छन् ? उनको वंशावली के हो ? कुन वस्तुबाट बनेका हुन्, उनी कसको उत्तराधिकारी हुन् । “भनिदेऊ” भनेर यिनै प्रश्नहरुको जवाफ अल्लाहले दिएका छन् ।
अर्थात जुन सत्तालाई तिमीहरु अल्लाहको नामबाट जान्दछौ र जसलाई तिमीहरु पनि आफ्नो र सम्पूर्ण प्राणीहरुको सृष्टिकर्ता मान्दछौ उनै मेरा ‘रब (ईश्वर)’ हुन् ।
“उनको कुनै सन्तान छैन” बाट ईसाईहरुको यस धारणाको पूर्ण खण्डन हुन जान्छ कि ईसा (अलैहिस्सलाम) अल्लाहका पुत्र हुन् । साथै अन्य कसैले यसो भनेमा गलत हुन्छ । उनी पनि कसैका सन्तान होइनन् । उनी हम्मेशा देखि छन् र सदा सर्वदा रहनेछन् । बाबु तथा छोराको आवश्यकता त मानिस तथा प्राणीहरुलाई पर्छ।
संसारका कुनै पनि वस्तुको न त व्यक्तित्वमा न गुणमा र न कर्ममा नै अल्लाहको समकक्ष वा समान हुन सक्छ । सूरह 42 (अश्-शूरा), आयत-11 मा छ “लैस कमिस्लिही शैऊन” उनी जस्तो कोही छैन।”
स्रोतः कुरआन मजीद (नेपाली भाषामा अनुवादित)
अनुवादक तथा संक्षिप्त ब्याख्या कर्ताः- मौलाना अलाउद्दीन अन्सारी फलाही
लेख प्रकाशक-मुहम्मद इब्राहीम खरेल