हामी आफ्नो सुरक्षा इस्लामिक पहिरन लगाएर आफै गरौ
इस्लाम धर्म मात्र एक शान्तिको धर्म हो, किनकि मैले इस्लाम धर्म कबुल गरे पछि म आफैले आफैमा धेरै फरक महशुस गरेकी छु र मलाई यस्तो लाग्छ कि म सफलताको र सत्यताको बाटोमा हिंडिरहेकी छु र मलाई यो कुरामा एकदमै खुशी छ ।
इस्लाम धर्म कबुल गरेपछि मेरो मनमा कुनै किसिमको गलत विचार, गलत काम, गलत सोचाई आउँदैन र पहिले म एकदमै निराश र दुःखी हुन्थें,…..
म आफै एक्लै भएको जस्तो लाग्थ्यो, अहिले मलाई यस्तो लाग्दैन । इस्लाम धर्म माने पछि यि सबैकुरा अल्लाह तआला माथि छोडिदिएको छु। अहिले मलाई यस्तो लाग्छ मेरो कुनै दुःख र गुनाशो पनि छैन । मेरो मन एक दमै हल्का भएको छ । मलाई यस कुराको दुःख लाग्छ कि अहिले म कुरआन पढ्न अलि गाह्रो छ । अल्लाह तआलाको दया र कृपाले पक्कै पनि म कुरआन पढ्नमा सफल हुन्छु इन्शा अल्लाह।
हामी आफ्नो सुरक्षा इस्लामिक पहिरन लगाएर आफै गरौ र अरुलाई पनि सुरक्षित रहनका लागि सुझाव दिऊँ । हामीले कुनै गलत काम नगरौ र सबै इस्लामिक दाजुभाई तथा दिदी बहिनीहरुलाई गलत काम देखि टाढा रहन सल्लाह दिने गरौं।
हाम्रो यो संसार परिक्षा स्थल हो, त्यसैले हामी यस संसारमा अल्लाहको चाहना र रसूल मुहम्मद सल्लल्लाहु अलैहि व सल्लमको तरिका बमोजिम जीवन बितायौ भने आखिरतको जीवनमा सफल हुन सक्छौं । असल मोमिन बनौं र हाम्रो रसूल मुहम्मद सल्लल्लाहु अलैहि व सल्लमले देखाउनु भएको मार्गदर्शनमा हिंडौ र गैर मुस्लिमलाई पनि अल्लाह तआलाले हिदायत दिउन् ।
हामी सबैलाई मसिह दज्जाल, याजुज-माजुज देखि फित्न देखि बचाउन । जहन्नमको आगो देखि बचाई, जन्नतमा प्रवेश गराउन । आमीन ।।
अन्तमा मलाई इस्लामिक सेन्टरमा पुर्याउन मदत गर्ने मेरो घरको साहुनी (मेडम) लाई धन्यवाद दिन चाहन्छु र इस्लामिक अफिसमा मलाई इस्लाम धर्मको बारेमा ज्ञान दिई सहि मार्गदर्शन गर्नु भएकोमा नेपाली शिक्षिका सारा मेडमलाई धेरै धेरै धन्यवाद दिन चाहन्छु।
नामः- हरी माया गुरुङ (मरयम)
ठेगानाः- कुर्छा गा.वि.स. – ९, नुवाखर्क, पर्वत, नेपाल
नोटः- यो जीवनी लेखिका स्वयंले आफ्नो बारेमा लेखेकी हुन्